LORE TA LABAN
Nakar
Egilea editore, 2023
Azkenaldian boladan dagoen after punk olatuan sar badezakegu ere, Nakar talde donostiarrak baditu bi ezaugarri ildo bereko gainerako taldeetatik desberdintzen dutenak: batetik, elektronikarako joera handia du; bestetik, bere doinuak ilunak eta malenkonia puntu batez apainduak badira ere, guztiz dantzagarriak dira, Hondakinen artean bizi, Ezin, Z.G.B. kantuek eta beste zenbaitek erakusten duten moduan. Badirudi taldea zaleen interesa piztea lortzen ari dela: duela gutxi, Bilboko Zazpi Katu gaztetxea, jendez guztiz betea, hankaz gora jarri zuten zuzeneko emanaldi batean.