“Denbora gelditzeko ahalmena izan nahiko nuke”

Idazle bat? Bat pentsatu, eta berehala beste bi etortzen zaizkit burura.
Opari egiteko liburu bat? Orain, zalantzarik gabe, Lurraz beste, Garazi Arrularen ipuin liburua.
Irakurtzeko lekurik onena? Ohea.
Zer gosaltzen duzu? Kafesnea, beti. Eta gero, denboraren arabera.
Bestondoari aurre egiteko erremediorik onena? Guraso ez izatea (beraz, lo egin ahal izatea) eta ibuprofenoa.
Zein esaldi edo esakune errepikatzen duzu askotan? “Bueno, berdin du”. “Barkatu”. “Ez dakit nola esan”.
Zertan ez zaizu inporta gehiegitxo gastatzea? Izozkietan.
Norekin joango zinateke trago batzuk hartzera? Iñaki Segurolarekin, edo Gorka Setienekin.
Zer dago traban zure etxean? Gabonetako zuhaitza eta botila bat kafe likore.
Joateko asmoa daukazun leku bat? Etxera.
Zure lehen mito erotikoa? Maribel Verdu.
Zure bertuterik onena? Azkar korri egiten dut.
Zure akatsik handiena? Idazkera txarra daukat, eta arazoak sortzen dizkit ikasgelan.
Besteengan errazen barkatzen duzun akatsa? Batzuetan, barkatu beharko ez liratekeen akatsak barkatzen ditut.
Eduki nahiko zenukeen eta ez daukazun dohaina? Denbora gelditzeko ahalmena^1.
Badakizu aurreskua dantzatzen? Gutxi gorabehera.
Lurpera, erraustu ala zure gorpua zientzia ikerketarako? Norbaiti zerbaitetarako balio badio, erabil dezala. Bestela, familiak badu hilobia².

1. Ahalmen: capacidad (es), capacité (fr).
2. Hilobi: tumba (es), tombe (fr).