KATARSI
Katarsi
Discos Enfermos – Flexidiscos, 2024
Hasieran, Marmol eta Gurs taldeetako kide den Kepa musikari bilbotarraren proiektu pertsonal gisa jaio zen Katarsi, eta diskoaren agerpenak lurrikara txikia sortu du Bilboko eszenan. Gursen eta Marmolen doinu ilun eta malenkoniatsuak lan honetan ere badaude, baina sintetizadoreek eta bateria programatuek pop geruza moduko bat eransten diotenez emaitzari, abestiak itsasgarriak eta dantzagarriak dira. Orain, diskoa zuzenean defendatzeko, egileak talde bat osatu du Bilboko eszenako zenbait musikari ezagunekin, eta kontzertu ikaragarriak ematen ari dira. 2024ko euskal diskorik onena? Ez dakit, baina aurtengo nire zerrendan oso goian egongo da.
