ZIKIN
Zementua armosaten
Mendeku diskoak, 2022
Zikin taldeak kantu bat sartu zuen Kaosa Euskal Herrian bilduman, taldekideetako batek Orreaga 778rekin jotzen du, eta estreinako diskoa Mendeku zigiluaren bidez atera dute: datu horiekin, ez dago zertan aztia izan Lekeitioko taldea punk-oi! esparruan mugitzen dela jakiteko. Alabaina, disko honetan ohiko doinu barduliarrak topatzea espero baduzu, oso oker zaude: ildo bereko Bizkaiko beste talde batzuen antzera (Cuero, adibidez), Zikinek soinu ilunagoa du, astunagoa, batzuetan hardcoretik gertuago dagoena eta beste batzuetan afterpunkaren arrastoak dakartzana, taldea Ex-Culten eta Negative Approachen nahasketa balitz bezala. Sei abesti labur hauetan, taldekideek beren sorterriko euskara darabilte, baina erraz ulertuko dituzue Zementua armosaten, Kakatzan atrapata eta antzeko mezuak.
