ARMARRI
Armarri
Cementerio, 2024
Ezta Ilen taldearen diskoa orri hauetara ekarri genuenean, zerbait aipatu genuen Abadiño-Berriz-Zaldibar inguru horretan loratzen ari den hardcore olatu berriaz. Armarri Berriztik dator, BHCK edo Berriz Hardcore Krew izeneko multzo horretakoa dugu, Eje eta Worth It taldeak bezala (diskoan, badute BHCK izeneko kantu bat), eta Bizkaiko ingurune horretan hardcore belaunaldi berriak lortu duen bultzadaren erakusgarri aparta1 da. Taldearen soinuak New Yorkeko 80ko hardcore talde klasikoen (Agnostic Front, Warzone, Cause For Alarm eta abar) oihartzunak dakartza, eta oi! eragin batzuk ere aise2 antzeman daitezke. Gogorrak, zehatzak, indartsuak... eta ekaitzaren modukoak zuzenean ari direnean.
Gotzon Hermosilla
1. Aparta: extraordinario, -a (es), extraordinaire (fr).
2. Aise: fácilmente (es), facilement (fr).
