Eusko Jaurlaritzak turismo tasa ezartzeko proposatu die foru ogasunei. Javier Hurtado Turismo sailburuaren ustez, “Euskadiz gozatzera datorrenak lurraldea hobetzen ere lagundu behar du”. Udal bakoitzak erabaki beharko du jarri ala ez, eta hortik jasotako diruarekin zer egin. Ondo iruditzen zaizu turismo tasa jartzea? Zertan inbertituko zenuke hortik ateratako dirua? Nola eragiten du turismoak Euskal Herrian?
Arantzako barnetegiko uztaileko lehen hamabostaldiko taldea
1. Miel
Neurriaren alde nago, baina zalantzak dauzkat. Nola erabiltzen da tasa hori? Beharrezkoa da turismoa kontrolatzea, baina mota guztiak. Adibidez, hoteletatik hasi eta egun pasa doan turismo motaraino.
2. Ionut
Euskal Herrira datozen turistek hizkuntza aldetik zapalkuntza egiten dute. Errespetatu beharko luketela uste dut. Eta tasari dagokionez, uste dut laguntza bat egon beharko litzatekeela.
3. Gontzal
Turismoa kontrolatu behar da, eta tasa hau hartutako neurriak argudiatzeko aitzakia bat iruditzen zait. Euskal Herria babestu behar da. Eta neurriak euskaldunentzat izan behar dira. Turismo arduratsua bultza dezagun!
4. Monika
Beharrezkoa da, diru sinbolikoa da. Eta diru hori guztia herria eta azpiegiturak mantentzeko erabiltzea garrantzitsua da.
5. Eli
Neurri gehiago jarri behar dira. Turismo jasangarria bultzatzen duten tokiak saritu beharko lituzke gobernuak.
6. Pedro Mari
Ulertzen dut neurria, baina beldurra ematen dit, azkenean ekintza asko ordaintzekoak izango direlako.
7. Viky
Bidaiatzea ez da beharrezkoa, plazera da. Turismoak kutsatu, baliabideak gastatu eta zabor asko sortzen du. Hori ordaindu egin behar da; orduan, turismo tasa beharrezkoa da. Konpentsazio bat egon behar da.
