Quand vient l'automne

Zuzendaria: Yorgos Lanthimos. Gidoia: Will Tracy, Jang Joon-hwan. Aktoreak: Emma Stone, Jesse Plemons, Aidan Delbis. Irlanda, 2025.

ISTORIOA: Bi gazte konspiranoikok enpresa handi bateko burua bahituko dute, Lurra suntsitu nahi duen estralurtarra delakoan. Hego Koreako Jigureul jikyeora! (ingelesez, Save the Green Planet!) filmaren remakea da.

ONENA: Lanthimosek hain berezkoak dituen ezaugarriak ageri dira bai narratiban bai irudian bai musikaren erabileran; akaso, oraingoan ez hain muturreko eta probokatzaile, baina bai iradokitzaile¹ eta ziztatzaile². Hala, film zirikatzailea topatuko dugu, jostaria, ironikoa eta, nola ez, ikusleari ezinegona sortuko diona.

TXARRENA: Batzuk ahoan irri txikia, kasik irrikaitza³, aterako dira zinema aretotik. Beste batzuk, aldiz, irriñoaz baino, mutur oker xamarraz.

NABARMENTZEKOA: Hiru protagonisten lana aparta da, batez ere Plemonsena.

Eñaut Mitxelena

1. Iradokitzaile: sugerente (es), séduisant (fr).
2. Ziztatzaile: mordaz (es), mordant (fr).
3. Irrikaitz: sonrisa sarcástica (es), sourire sarcastique (fr).