Los domingos

Zuzendaria: Alauda Ruiz de Azua. Gidoia: Alauda Ruiz de Azua. Aktoreak: Patricia Lopez Arnaiz, Blanca Soroa, Nagore Aranburu, Miguel Garcés. Espainia, 2025.

Istorioa: Ainara 17 urteko neska eskola katoliko batean ari da ikasten, eta bere familia ezustean¹ harrapatuko duen erabakia hartuko du: klausurako moja bihurtu nahi du.
Sariak: 2025ean estreinatu zen, baina Goya sarietan bost sari nagusi irabazi izanak zinema-aretoetara ekarri du berriro.
Onena: XXI. mende betean erlijio-bokazioa bazterreko² gaitzat har daitekeen arren (zer esanik ez klausura: anakronikoa ez ezik, ezin harrigarriagoa³ ere bada), oraindik ere polemika eragiten du; filmak sortutako hamaika eztabaida horren adibide. Gaiari sentiberatasunez⁴ eta aldeenganako errespetuz heldu dio zuzendariak, eta ikuslea familia baten gorabeheretan murgilduz eztabaida horretako partaide bihurtzen du.
Nabarmentzekoa: Aranbururen lana, aparta: hark gorpuztutako moja beldurrezko saga baterako protagonista bikaina litzateke.

Eñaut Mitxelena

1. Ezustean: por sorpresa (es), par surprise (fr).
2. Bazterreko: marjinal.
3. Ezin + -ago: extremadamente (es), extrêmement (fr).
4. Sentiberatasun: sentsibilitate.