“Pertsonaia historiko gehienak jendaila ziren”
Idazle bat? Stephen King.
Opari egiteko liburu bat? The Shining (Stephen King).
Irakurtzeko lekurik onena? Ohea.
Zer gosaltzen duzu? Kafea ogi txigortuarekin.
Bestondoari aurre egiteko erremediorik onena? Mendia eta naproxeno pilula bat.
Zein esaldi edo esakune errepikatzen duzu askotan? "Gustuko tokian aldaparik ez".
Zertan ez zaizu inporta gehiegitxo gastatzea? Gitarra elektrikoetan eta oro har traste elektronikoetan.
Norekin joango zinateke trago batzuk hartzera? Adiskideekin.
Pertsonaia historiko bat? Ezein ere ez. Pertsonaia historiko gehienak jendaila ziren.
Zer dago traban zure etxean? Katuak.
Joateko asmoa daukazun leku bat? New York.
Zure lehen mito erotikoa? Charlieren aingeruak (hirurak).
Zure bertuterik onena? Diziplina.
Zure akatsik handiena? Arreta eskasa.
Besteengan errazen barkatzen duzun akatsa? Ez agurtzea.
Eduki nahiko zenukeen eta ez daukazun dohaina? Gitarra behar bezala jotzea.
Badakizu aurreskua dantzatzen? Heavya naiz, ez dakit dantzatzen.
Lurpera, erraustu ala zure gorpua zientzia ikerketarako? Espaziora bidali.
