Euskaltegia estreinatu dute Zarauzko AEKn, eta pozik hasi dute ikasturtea ikasleek zein irakasleek. Irakasle batek dioenez, “gustura gabiltza denok. Euskaltegi zaharra ezagutzen zutenek honela esaten digute, irribarrez: 'A zer aldea lehengotik hona, ezta?'”. Une honetan, 50 bat ikasle daude euskaltegian, bost ikastaldetan eta A1+, A2, B1, B2 eta C1 mailetan banatuta. Eskolak ematen, berriz, lau irakasle. Hauek dira orain Zarauzko AEKren erronka nagusiak: “Ikasleek euren helburuak lortzea eta, bitartean, ondo pasatzea; herritarrei gure berri ematea; eta kanpo jarduerak aurrera eramatea”.
