Datorren igandean, otsailaren 1ean, Athleticek eta Realak euskal derbia jokatuko dute San Mames futbol-zelaian. Partidak bi taldeetako zaleak batuko ditu harmailetan1 eta Bilboko kaleetan. Aldez aurretik, ordea, bestelako2 derbia jokatuko dute: Bertso Derbia, dagoeneko ohikoa bilakatua. Oraingoa, XXV. edizioa, Galdakaoko Torrezabal Kultur Etxean egingo dute, 12:00etan.

Athletic Club Fundazioak eta Real Sociedad Fundazioak antolatu dute Bertso Derbia, Galdakaoko Udalaren laguntzarekin. Guztira, sei bertsolari izango dira oholtzan kantuan. Zuri-gorrien alde, Aitor Etxebarriazarraga, Onintza Enbeita eta Igor Elortza; txuri-urdinak animatzeko, Andoni Egaña, Eneritz Artetxe eta Amets Arzallus. Gai-jartzailea Arkaitz Estiballes izango da.

Bertso Derbirako sarrera doakoa da, baina aurretik eskuratu behar da. Horretarako, bi aukera daude: Torrezabal Kultur Etxeko leihatila eta Galdakaoko Udalaren webgunea (https://www.galdakao.eus/).

1. Harmaila: grada (es), gradin (fr).
2. Bestelako: desberdin, beste mota bateko.

Zelan euskaraz?

Atal honetatik lagun asko pasa dira dagoeneko. Guztiak, euskara heldu aroan eta euskaltegian ikasi duten pertsonak. Haiek ezagutzeko aukera edukitzeaz gain, euskara ikasteko lagungarriak diren aholkuak, trikimailuak eta testigantzak aurkituko dituzue. Ez galdu aukera!

Harpidedunentzako sarbidea:

Gogora nazazu

Hil honetako AIZU! aldizkarian erreportaje gehiago aurkituko dituzu. Horrez gain, “Ez da hain fazila” gehigarria ere eskura dezakezu. Hainbat eduki biltzen ditu: "Galde Debalde?" ataltxoa gramatika-zalantzak argitzeko, denbora-pasak, lehiaketak... Kioskoetan salgai, harpidetza ere egin dezakezu, digitala nahiz paperekoa. Klikatu hemen.