Ostiraletik aurrera, literatura plazara aterako dute Oiartzunen

1545 argitaletxeak antolatuta, datorren ostiralean hasiko da Oiartzungo Literatura Plazara ekimenaren laugarren edizioa, Biziminak. Doluak hitzetan errezitaldi-emanaldiarekin. Landetxe kultur aretoan, Goiatz Labandibar, Karmele Mitxelena eta Olatz Mitxelena idazleek hartuko dute parte, Idoia Hatxe, Izaro Telletxea eta Ainara Lasa herriko sortzaileekin batera.

Hurrengo egunetarako ere egitarau oparoa¹ antolatu du 1545 argitaletxeak:

Martxoak 14, larunbata:
Bat eta bat, hamaika. Aukeratzea, ze zaila!
Mireia Delgadoren eta Dorleta Kortazarren arteko solasaldia²: zein liburu aukeratu, zergatik eta zertarako?
10:30ean, Udalbatza-aretoan.

Martxoak 15, igandea:
Idazketa tailerrei buruz: gidarien elkargune bat topaketa-solasaldia.
Idaztearen helburuak, materialak, estrategiak... Eider Perez Adeletxek gidatuta.
10:30ean, Ehuntze gunean.

Martxoak 18, asteazkena:
Dena zulo bera zen liburuaren aurkezpen-emanaldia.
Eider Rodriguez idazlearekin eta Anari musikariarekin.
19:00etan, Galdosenea tabernan.

Martxoak 22, igandea:
Su txikian bertso-saio musikatua.
Haira Aizpurua, Uxue Alberdi eta Andoni Egaña bertsotan, Alaia Martin gaiak jartzen, eta Patxi Amulet eta Bastien Marianne musika jotzen.
18:00etan, Landetxe kultur aretoan.

Martxoak 28, larunbata:
Lera poesia-errezitaldi musikatua.
Castillo Suarez idazlearekin, Udane Ansa ilustratzailearekin eta Peru Galbete musikariarekin.
12:00etan, udal-liburutegiko kaperan³.

Lehenengo aldiz, Literatura Plazara Doinueleren (euskara hutsezko liburu eta diskoen plazen eta azoken bilgunea) parte izango da aurten. Bernat Etxeparek 1545. urtean Euskara, jalgi⁴ hadi plazara argitaratu zuen moduan, Literatura, jalgi hadi plazara aldarrikatu⁵ nahi dute orain, “literatur arnasgune izan nahi duen Oiartzun herritik”.

1. Oparo: espléndido, -a (es), splendide (fr).
2. Solasaldi: charla (es), conférence (fr).
3. Kapera: capilla (es), chapelle (fr).
4. Jalgi: atera, irten.
5. Aldarrikatu: erreibindikatu, eskatu.