Luka Ricci Erromako Alde Zaharrean jaio zen, 1987an, eta bertan bizi da oraindik ere. Ez dira asko Erromako Alde Zaharrean jaio eta urteak aurrera joan ahala bizitza bertan egiten dutenak. Horrela kontatu ohi du berak Erroma Euskaraz izeneko bisita gidatuetan. “Donostian ere halako zerbait gertatzen ari da, ezta?”, galdetu du. Txomin L. Aramaio. Argazkia: Txomin L. Aramaio.
Ricci kritikoa da turismo masiboarekin, eta bere lanean turismo mota hori ez egiten eta ez bultzatzen saiatzen da, baita kuestionatzen ere. “Gidari turistikoa izatea ez da gauza txarra, nire ustez. Zure hiria saltzen ari zara, zure lekua... Txarra egungo turismo sistema da”, nabarmendu du. “Turismoaren alderdi txarrak azaleratzen ahalegintzen naiz nire azalpenetan, eta nire auzoaren eta inguruen nondik norakoak erromatarron ikuspuntutik zintzoki azaltzen”, gaineratu du. Ez du batere gustuko turismoak dakarren negozioa: “Negozio erraldoi horrek min egiten die auzoari eta hiriari. Nik ez dut horretan parte hartu nahi, baizik eta alderantziz”.
