Bi euro ordaindu behar dira Erromako Fontana di Trevi ikusteko

Otsailaren 1etik aurrera, turistek bi euro ordaindu behar dituzte Fontana di Trevi iturri ezagunera¹ hurbiltzeko². Erromako biztanleek³, ordea⁴, debalde sartzen jarraitzen dute. Horregatik, bi sarrera daude orain: bata turistentzat, ordainpekoa⁵, eta bestea erromatarrentzat, doakoa⁶. Erromako Udalak hartu du erabakia. Fontana di Trevi Erromako bigarren monumentu bisitatuena da, Koliseoaren ondoren. Egunero, jendetza⁷ joaten da iturria ikustera, eta askotan pilaketa⁸ handiak sortzen dira. Hori dela eta⁹, sarrera jarrita, jende-kopurua hobeto kontrolatu nahi dute. Gainera, aldi berean¹⁰ 250 pertsona bakarrik egon ahal izango dira han. Bildutako diruarekin, Udalak logistika-gastuak ordainduko ditu, eta ondarea¹¹ zaintzeko lanak egingo dituzte. Fontana di Trevikoa ez da neurri berria. Erabaki berdina hartu dute hiriko beste leku batzuetan. Adibidez, Panteoian ere sarrera kobratzen hasi dira duela gutxi.

1. Ezagun: famatu, ospetsu.
2. Hurbildu: acercarse (es), (s')approcher (fr).
3. Biztanle: habitante (es), habitant (fr).
4. Ordea: en cambio (es),en revanche (fr).
5. Ordainpeko: de pago (es), payant (fr).
6. Doako: gratuito, -a (es), gratuit, -e (fr).
7. Jendetza: jende asko, pertsona-kopuru oso handia.
8. Pilaketa: acumulación (es), accumulation (fr).
9. Hori dela eta: por eso (es), pour ça (fr).
10. Aldi berean: al mismo tiempo (es), en même temps (fr).
11. Ondare: patrimonio (es), patrimoine (fr).