Oinezkoei gehieneko abiadura ezarriko diete Eslovakian

Urtarrilaren 1etik aurrera, Eslovakian oinezkoak¹ gehienez² 6 km/h abiaduran ibiliko dira espaloietan. Neurri hau ez da soilik oinezkoentzat, baita espaloietan bizikletak eta patineteak erabiltzen dituztenentzat ere. Eslovakiako Gobernuak onartu du legea, oinezkoen segurtasuna handitzeko eta istripuak³ gutxitzeko. Izan ere⁴, pertsonak normalean 4 eta 6 km/h artean ibiltzen dira; patinete elektrikoak, aldiz, 20 eta 25 km/h artean. Oposizioa ez dago ados legearekin. Uste du “absurdoa” dela eta oinezkoak espaloietatik kanporatuko dituela. Gainera, txirrindularientzat oso zaila da abiadura txikian oreka⁵ mantentzea. Oposizioaren ustez, oinezkoen benetako arazoa autoak dira, ez bizikletak edo patineteak. Estatistikek ere hala erakutsi dute: 2024an, adibidez, hiru istripu bakarrik gertatu ziren patinete eta oinezkoen artean. Hau da, istripuak gutxitzeko, hobe da bizikletetarako bide seguru gehiago egitea.

1. Oinezko: peatón, -ona (es), piéton, -onne (fr).
2. Gehienez: como máximo (es), au maximum (fr).
3. Istripu: accidente (es), accident (fr).
4. Izan ere: de hecho (es), en fait (fr).
5. Oreka: equilibrio (es), équilibre (fr).