Siziliako uhartea eta italiar penintsulako hegoaldea zubiz lotu nahi du Italiako Gobernuak. Hartara, Sizilia eta Calabria (italiar penintsulako hego-mendebaldeko eskualdea) lotzeko zubi esekia1 eraikitzea onartu du. Messinako itsasartean eraikiko dute eta munduko zubi zintzilikari luzeena izango da: 3,3 kilometroko luzera eta 400 metroko garaiera duten bi dorre edukiko ditu. Bi trenbide eta autoetarako sei errei3 izango ditu. Guztira, 13.500 milioi euroko aurrekontua izango du. Nolanahi ere, ikusteko dago eraikiko duten ala ez. Nahiz eta Italiako Gobernuak onartu, oraindik Italiako Kontu Auzitegiak onetsi behar du, eta ingurumen baimenak ere behar ditu. Gainera, aurkakotasun4 handia sortu du proiektuak eskualdean. Inguruko herri asko kontra agertu dira, adibidez. Zubiaren kontrako plataformek ere salatu dute egitasmoak ez diela arrazoi teknikoei erantzuten, politikoei baizik. Sizilia eta italiar penintsula lotzeko zubia duela 50 urtetik egin nahi izan da, baina beti utzi izan dute bertan behera, orain arte.
1. Zubi eseki: puente colgante (es), pont suspendu (fr).
2. Itsasarte: estrecho (es), détroit (fr).
3. Errei: carril (es), rail (fr).
4. Aurkakotasun: oposición (es), opposition (fr).
