Urriaren 4tik azaroaren 29ra jokatuko da 2025eko Nafarroako Bertsolari Txapelketa. Auritzen izango du lehen saioa, eta Iruñeko Nafarroa Arenan finala, lehenbizikoz. Izan ere, bertsolaritza Nafarroan izaten ari den goraldiari esker, urrats kuantitatiboa eta kualitatiboa emango du txapelketak, aurten 48. aldia1 duenak. Guztira, 30 bertsolarik eman dute izena eta, behin sailkapen saioak igarota, 24k hartuko dute parte urriaren 4tik aurrerako bidean. Auritzetik Iruñera, zortzi saio egingo dira. Lehen fasean, lau: Auritzekoaz gain, Mutiloan (urriak 11), Iruritan (urriak 18) eta, estreinakoz2, Los Arcosen (urriak 26). Finalaurrekoak Agoitzen (azaroak 1), Leitzan (azaroak 8) eta Tafallan (azaroak 16) izango dira. Horietan hemezortzi bertsolari ariko dira, eta zortzi sailkatuko Iruñeko finalerako.
1. Aldi: vez (es), fois (fr).
2. Estreinakoz: lehen aldiz, aurrenekoz, lehenbizikoz.