Bost urteko hutsunearen ostean, badator Gipuzkoako Bertsolari Txapelketa. Irailaren 14an hasiko da, Urretxuko Labeaga aretoan, eta hiru hilabete iraungo du: finala abenduaren 14an jokatuko da, Donostiako Illunben. Hasieratik eta finalera bitartean, 16 saio jokatuko dira. Guztira, 48 bertsolarik hartuko dute parte. Horietatik 34k udaberrian jokatutako sailkapen fasean eskuratu zuten txartela; gainerako 14 bertsolariek, duela bost urteko txapelketan. Bertsolariekin batera, 16 gai jartzaile eta 15 epaile eta laguntzaile ariko dira. Aurtengo txapelketa urteurren berezian jokatuko da. Izan ere, Gipuzkoako lehen bertso eskolaren 50. urteurrena izango du gogoan. Saio guztietarako sarrerak dagoeneko salgai daude www.bertsosarrerak.eus webgunean. Era berean, txapelketari buruzko informazio guztia Bertsozale Elkartearen webgunean (www.bertsozale.eus) zein sare sozialetan jaso ahal izango da.