Adimen artifizialak ingurumen-kostu handia du, eta, gero eta natur baliabide gehi­ago eskatzen baditu ere, ingurumenean duen eragina sistematikoki gutxiesten1 dela ohartarazi du Nazio Batuen Uraren, Ingurumenaren eta Osasunaren Institutuak (UNU-INWEH). Horretarako, AAk2 2030ean ingurumenean izango dituen ondorioak kalkulatu eta txosten batean jaso dituzte. Adibidez, adimen artifizialak urte horretan Saharaz hegoaldeko Afrikako 1.300 milioi pertsonak adina ur kontsumituko duela; Pakistan, Bangladesh eta Nigeriak egun urtebetean gastatzen duten energia halako ia hiru beharko duela; eta AAri lotutako CO2 isuriak3 400 milioi tonakoak izango direla, alegia, Erresuma Batuak isur­tzen dituen bestekoak. Datu gehiago ere jaso dituzte Nazio Batuen Erakundeko zientzialariek. Hori bai, ondorioak larriagoak izan daitezke, estimazio kontserbadoreak baliatu baitituzte aurreikuspenak egiteko.

1. Gutxietsi: subestimar (es), sous-estimer (fr).
2. AA: adimen artifizial.
3. Isuri: emisión (es), émission (fr).

Harpidedunentzako sarbidea:

Gogora nazazu

Hil honetako AIZU! aldizkarian erreportaje gehiago aurkituko dituzu. Horrez gain, “Ez da hain fazila” gehigarria ere eskura dezakezu. Hainbat eduki biltzen ditu: "Galde Debalde?" ataltxoa gramatika-zalantzak argitzeko, denbora-pasak, lehiaketak... Kioskoetan salgai, harpidetza ere egin dezakezu, digitala nahiz paperekoa. Klikatu hemen.