Laster hasiko da txotx denboraldia. Urtarrilean, sagardotegiek upelak¹ zabalduko dituzte sagardo berria probatzeko. Urtero bezala, irekiera² ekitaldiak egingo dituzte Gipuzkoan, Nafarroan, Araban, Bizkaian eta Iparraldean. Ekitaldirik ezagunena³ Sagardo Berriaren Eguna da. Sagardoaren Lurraldeak antolatzen du Astigarragan, eskualde⁴ horretan egiten delako sagardo gehiena⁵. Urtero, pertsona ezagun batek ematen dio hasiera denboraldiari upel artean, eta basoa eskuan, honako hau oihukatuz⁶: "Gure sagardo berria!" Aurten, urtarrilaren 14an egingo dute Petritegi sagardotegian. Azken ordura arte ez dute protagonistaren izena jakinarazten⁷, beraz, guk ere ezin dizuegu aurreratu: aldizkaria inprimategira bidaltzerakoan ezin jakin oraindik. Ekitaldian, aurtengo sagar uztari⁸ buruzko datuak ere emango dituzte. Irailean iragarri zutenez, uzta ugaria izango da, iazkoa⁹ baino handiagoa. Sagardo berria dastatzea¹⁰ onena, ezta?

1. Upel: barrica (es), barrique (fr).
2. Irekiera: inaugurazio.
3. Ezagun: conocido, -a (es), connu, -e (fr).
4. Eskualde: zona (es), zone (fr).
5. Gehien: la mayor parte de (es), la plupart de (fr).
6. Oihukatu: gritar (es), crier (fr).
7. Jakinarazi: informar (es), informer (fr).
8. Uzta: cosecha (es), récolte (fr).
9. Iazko: pasa den urteko, aurreko urteko.
10. Dastatu: probatu.